Almatyda mektep formasy qoıý kók tústi bolady

ALMATY. QazAqparat - Almatylyq oqýshylar qoıý kók tústi forma kıedi. Bul týraly brıfıng barysynda qalalyq Bilim basqarmasynyń basshysy Lázzat Jylqybaeva aıtty, dep habarlaıdy QazAqparat tilshisi.

«Bilim jáne ǵylym mınıstriniń buıryǵyna sáıkes, biryńǵaı mektep formasy 2016 jyly bekitilgen bolatyn. Pandemııa kezinde oqýshylarǵa erkin kıinýge ruqsat berdik. Jańa oqý jylynan bastap mektep formasyn kıedi, ıaǵnı – qoıý kók tústi forma»,- dedi spıker.

Sonymen qatar ol ata-analar mektep formasyn óz qalaýy boıynsha tańdaıtynyn atap ótti.

«Mektep formasyn ata-ana ózi tańdaıdy. Aıaq kıimge keler bolsaq, klassıkalyq týflı kııýge mindettemeımiz. Bala ózine yńǵaılysyn kıedi»,- dedi Lázzat Jylqybaeva.

Buǵan deıin mektep formasy Nur-Sultan qalasynda biryńǵaı bolatynyn jazǵan bolatynbyz.