Almatyda mektep bitirýshi túlekterdiń korteji jol erejesin buzǵan
ALMATY. QazAqparat – Almaty polıtsııasy jol erejesin buzǵan mektep bitirýshi túlekter kortejine qatysty túsinik berdi, dep habarlaıdy QazAqparat tilshisi.
Áleýmettik jelilerde kortej uıymdastyrǵandardyń vıdeosy tarady. Onda túlekter jol erejesin óreskel buzyp, kólik terezesinen basyn shyǵarǵan.
Polıtsııa departamenti kópshiliktiń nazaryn aýdarǵan kortejge baılanysty túsinik berdi. Aıtýlarynsha, kináliler jaýapqa tartylady.
«Mektep bitirýshi túlekterdiń kortejine qatysqandardyń árqaısysynyń is-áreketine quqyqtyq baǵa berilip, ákimshilik jaýapkershilikke tartylady», - dep habarlady polıtsııadan.
Aıta keteıik, bıyl pandemııaǵa baılanysty Qazaqstannyń mektep bitirýshileri 3-4 maýsymda barlyq sanıtarlyq normalardy saqtap, attestat aldy.
