Almatyda mektep bitirýshi túlekterdiń korteji jol erejesin buzǵan
ALMATY. QazAqparat - Almaty polıtsııasy jol erejesin buzǵan mektep bitirýshi túlekter kortejiniń júrgizýshilerin ákimshilik jazaǵa tartty.
Beınekadrda kóringendeı, jastar júrip bara jatqan kólikten basyn qyltıtyp, jartylaı denelerin shyǵaryp otyrǵan.
Qalalyq ІІD resmı ókili Saltanat Ázirbektiń aıtýynsha, kortejdegi 4 kóliktiń júrgizýshisi jol erejesin buzǵany anyqtaldy.
«Ál-Farabı kóshesimen shyǵysqa baǵyttalǵan kortejdi jol polıtsııasy toqtatqan. Toyota Land Cruiser kóliginiń 32 jastaǵy júrgizýshisi jol baǵyty boıynsha emes, keri qaraı, artqa qozǵalǵany anyqtaldy. Sondaı-aq, kóliktiń memlekettik nómiri bolmaǵan», - dedi S.Ázirbek.
Onyń aıtýynsha, 20 jastaǵy Toyota Camry júrgizýshisi de kólikti nómirsiz aıdaǵany úshin əkimshilik jazaǵa tartyldy.
«Mersedes júrgizýshisi adamdardy tasymaldaýda zań buzǵany úshin jazalandy. Jəne bir Mersedes kóliginiń ıesi buryn da osyndaı jazaǵa tartylǵan eken. Endi ony kólik júrgizý quqyǵynan aıyrý kózdelgen»,- dedi S.Əzirbek.
