Almatyda mektep avtobýsyn satyp alýǵa 5,3 mlrd teńge bólinedi

ALMATY. QazAqparat- Almatyda 5,3 mlrd teńgege 100 mektep avtobýsy satyp alynbaq. Bul týraly qalalyq máslıhattyń XXVII sessııasy barysynda qala ákiminiń orynbasary Asqar Amrın aıtty, dep habarlaıdy QazAqparat tilshisi.

Onyń aıtýynsha oqýshylardy mektepke tasymaldaıtyn avtobýstar pılottyq rejımde iske qosylady.

«Qala ákimi pılottyq joba retinde oqýshylardy mektepke tasymaldaý týraly sheshim qabyldady. Osyǵan oraı, bıýdjetti naqtylaý kezinde jalpy somasy 5,3 mlrd teńgege 100 mektep avtobýsyn satyp alý josparlanýda», - dedi Asqar Amrın.

Buǵan deıin qalalyq bilim basqarmasynyń basshysy Lázzat Jylqybaeva Almatyda 38 myńǵa jýyq bala mektep avtobýstaryna muqtaj ekeniń aıtqan bolatyn.

Aıtýynsha, mektep avtobýstary, eń aldymen asa qajet aýdandarǵa engiziledi . Pılottyq jobada tórt aýdan tańdap alyndy. Atap aıtar bolsaq, Bostandyq, Naýryzbaı, Alataý jáne Medeý.

Maýsym aıynda megapolıs basshysy Erbolat Dosaev kelesi jyly «Mektep avtobýstary» baǵdarlamasy júzege asyrylatynyn aıtqan edi.

Foto: abai.kz