Almatyda mektep aýlasyndaǵy aǵashtardy zańsyz keskender ornyna 200 tal egýge tıis

ALMATY. QazAqparat - Almatyda №189 orta mekteptiń aýlasynda tórt aǵash zańsyz kesilgen, dep habarlaıdy QazAqparat tilshisi.

Almatyda mektep aýlasynda zańsyz kesilgen aǵashtar týraly málimet pen fotolar áleýmettik jelige shyqty.

Almaty ákimdigi Qazybek Taýasaruly kóshesi, 27 mekenjaıynda ornalasqan №189 mektep aýlasynda zańsyz aǵash kesý faktisi bolǵanyn rastady.

«Ekologııa jáne qorshaǵan orta basqarmasyna mektep atynan ótinish kelip túspegen, demek, aǵash kesýge ruqsat berilmegen. Quqyq qorǵaý organdarynyń qatysýymen birlesip qosymsha tekserý kezinde japyraqty 4 aǵashtyń kesilgeni anyqtaldy. Osyǵan oraı qalalyq ekologııa jáne qorshaǵan orta basqarmasy tarapynan Bostandyq aýdanynyń polıtsııa basqarmasy men Almaty qalasy tabıǵat qorǵaý polıtsııasyna QR zańnamasyna sáıkes shara qoldaný jóninde hat joldandy», - dep habarlady ákimdik.

Sondaı-aq kelgen shyǵyn kólemi - 110 AEK, ornyna otyrǵyzýǵa mindetti aǵash sany - 200.