Almatyda medıtsınalyq uıymdarǵa 75,4 mln teńge aıyppul salyndy
ALMATY. QazAqparat - Almaty qalasynyń sybaılas jemqorlyqqa qarsy qyzmeti qalalyqtardan DamuMed qosymshasyndaǵy derekterdi tekserýdi surady, dep habarlaıdy QazAqparat tilshisi.
«Qalanyń sybaılas jemqorlyqqa qarsy qyzmeti Damumed qosymshasyndaǵy «jazbalar» jáne basqa da zań buzýshylyqtardy tekseredi. Medıtsınalyq saqtandyrý qorynyń baspasóz qyzmetiniń málimetinshe, is júzinde turǵyndarǵa medıtsınalyq qyzmet kórsetpegen 11 myńnan astam jaǵdaı anyqtaldy. Osyndaı zańbuzýshylyqqa jol bergen medıtsınalyq uıymdarǵa 75,4 mıllıon teńgeden astam aıyppul salyndy. Qalalyqtardan DamuMed qosymshasyndaǵy derekterdi tekserip otyrýlaryn suraımyz», - dep habarlady sybaılas jemqorlyqqa qarsy qyzmet.
DamuMed qosymshasynyń aınalasyndaǵy janjaldan keıin áleýmettik jelilerde medıtsınalyq uıymdarǵa qatysty jazbalar kóbeıdi.
