Almatyda medıtsınalyq mekemelerge 17 ókpeni jasandy jeldetý apparaty tabystaldy
Almaty qalasy ákimdiginiń suranysy boıynsha koronavırýstyq COVID-19 indetiniń aýyr zardabyn boldyrmaý maqsatynda QR «Atameken» ulttyq kásipkerler palatasy prezıdıýmynyń tóraǵasy Tımýr Qulybaev jáne bıznesmen Qaırat Boranbaevtyń qoldaýymen ókpeni jasandy jeldetýdiń 17 statsıonarly jáne mobıldi apparattary satyp alyndy.
Bul apparattar Qazaqstanda Hamilton Medical AG (Shveıtsarııa), Puritan Bennett (Covidien, AQSh) óndirýshi kompanııalary atynan tirkelgen.
ResMed (AQSh) kompanııasynyń ınvazıvti jáne ınvazıvti emes ókpeni jasandy jeldetý mobıldi apparattary COVID-19 indetimen kúresip jatqan Almatynyń medıtsınalyq mekemeleriniń jedel járdem kólikterin jabdyqtaýǵa úshin QR terrıtorııasyna kirgizildi.
Budan buryn qaıyrymdylyq kómek retinde Tımýr Qulybaev pen bıznesmen Qaırat Boranbaevtyń qarajatyna COVID-19 indetine dıagnostıka jasaıtyn mobıldi ortalyǵy bar Ford Tranzit jedel járdem avtokólikteri satyp alynǵan bolatyn. Kólikter Almatynyń medıtsınalyq mekemelerine berildi.
Bul kólikter Almaty men qaladan alys ornalasqan jáne mańaıyndaǵy aýdandardan ókpe aýyryna shaldyqqandardy tasymaldaý úshin qoldanylatyn bolady.