Almatyda medıtsınalyq maskalardyń baǵasy birdeı bolady
ALMATY. QazAqparat – Almaty qalasy ákiminiń orynbasary Saparbek Tuıaqbaev medıtsınalyq maskalardyń ortasha baǵasyn aıtty, dep habarlaıdy QazAqparat tilshisi.
«Sońǵy bir-eki aptada qalada maska tapshy boldy. Dárihanalarmen baılanystamyz. Kún saıyn aqparat alyp otyramyz. Áli de tapshylyq baıqalady. Biz negizgi úlken 20 dárihana ıelerimen sóılestik, kelistik. Olar naryqtyń 70% qamtıdy. Olar maskamen qamtamasyz etilgen. Sondyqtan bul turǵyda eshqandaı problema joq «, – dedi ol .
Onyń aıtýynsha, tapshylyq týraly aqparat negizinen keshke ýaqytta paıda bolady. Sondaı-aq, ol maskalardyń ortasha baǵasyn atady.
«Sońǵy aqparatqa sáıkes, maskanyń ortasha baǵasy 100-150 teńge aralyǵynda «, – deıdi Saparbek Tuıaqbaev.
Qazirgi ýaqytta dárihanalar men ákimdik ózara memorandýmǵa qol qoıdy, onda aldaǵy ýaqytta maskanyń baǵasy barlyq jerde birdeı bolady delingen. Aldaǵy kúnderi naqty quny bekitiledi.
