Almatyda medıtsınalyq maska jetkilikti me
Koronavırýs ınfektsııasynyń taralýyn eskertý jónindegi respýblıkalyq shtab tóraǵasy B.Saparbaevtyń tapsyrmasy boıynsha Almatynyń aımaqtyq shtaby kásipkerlik jáne ınvestıtsııa basqarmasymen birlesip, medıtsınalyq maska shyǵaratyn «Dolce Farm» JShS farmatsevtıkalyq kásipornyna bardy.
Tekserý barysynda óndiristik qýatqa kóńil bólindi. Aıyna kásiporynda 2,5 mln dana maska shyǵarylady. Maskalardy avtomatty jáne qolmen óndirýge arnalǵan shıkizat qory jetkilikti deńgeıde.
Sonymen qatar, JRVI (jedel respıratorlyq-vırýstyq ınfektsııalary) men tumaý epıdemııasynyń órshýin, sondaı-aq koronavırýs indetiniń taralýynyń aldyn alýdy eskere otyryp, kásiporyn táýlik boıǵy (úsh aýysymdyq) jumys rejımine kóshti. Maska shyǵarýǵa arnalǵan shıkizat qoryn odan ári ulǵaıtý úshin sheteldik jetkizýshilermen kelissóz júrip jatyr.
Budan bólek, medıtsınalyq maska satýdyń óndiristik syzbasy men tártibi tekserilip, farmatsevtıka salasyn, onyń ishinde memlekettik-jeke menshik seriktestik qaǵıdasy negizinde medıtsınalyq maqsattaǵy buıymdar óndirisin damytý perspektıvalary talqylandy.
