Almatyda medıtsınalyq qyzmettiń sapasy men vaktsınatsııa qarqyny talqylandy
Almaty qalasy ákiminiń orynbasary Erjan Babaqumarov Qoǵamdyq densaýlyq basqarmasy basshysy Narıman Tabynbaevtyń, sanıtarlyq-epıdemıologııalyq baqylaý departamentiniń basshysy Jandarbek Bekshınniń, Áleýmettik medıtsınalyq saqtandyrý qorynyń Almaty fılıalynyń basshysy Táleýhan Ábildaevtiń jáne jeke medıtsınalyq mekemelerdiń bas dárigerlerimen onlaın-formatta keńes ótkizdi.
Keńeste qala turǵyndaryna kórsetiletin medıtsınalyq qyzmettiń sapasy men jekemenshik medıtsınalyq uıymdarǵa bekitilgen turǵyndardy vaktsınalaý qarqyny talqylandy.
Búginde Almatyda AMSK-tyń 35 jeke jetkizýshisi bar. Bıylǵy jyldyń birinshi jartyjyldyǵynda júrgizilgen qyzmettiń taldaý nátıjeleri boıynsha jeke medıtsınalyq-sanıtarlyq kómek kórsetetinderdiń jumysyna qatysty túsken shaǵymdar 3,5 esege artqan. ÁMSQ atap ótkendeı, jeke medıtsınalyq uıymdar, tirkelgen halyqtyń azdyǵyna qaramastan, shaǵymdardyń úlesi joǵary.
Osyǵan baılanysty, medıtsınalyq qyzmet kórsetý sapasynyń nasharlaýyn boldyrmaý úshin medıtsınalyq qyzmetterdi tutynýshylardyń shaǵymdarynyń negizdiligin rastaý maqsatynda materıaldar Densaýlyq saqtaý mınıstrligi Medıtsınalyq jáne farmatsevtıkalyq baqylaý komıtetiniń Almaty qalasy boıynsha departamentine jiberiledi.
Qazirgi ýaqytta 22 jeke medıtsınalyq-sanıtarlyq kómek kórsetýshi óz óndiristik bazasynda vaktsınatsııa júrgizedi, qalǵandary egý bólmelerin ashý boıynsha jumys júrgizýde.
Almaty temirjol aýrýhanasy, Open Medical Chanel JShS, Kerýen-Medıkýs, «Arhımedes» JShS vaktsınatsııa qarqyn alǵan.
Al «№55 emhanasy» JShS, «Suńqar II emhanasy» JShS, «Med Lab express» JShS jáne basqalary vaktsınatsııa qarqynyn tezdetýi qajet.
Ákimniń orynbasary Erjan Babaqumarov vaktsınatsııa qarqyny koronavırýs ınfektsııanyń taralý jyldamdyǵynan jáne juqtyrǵandar sanynyń ósýinen artta qalatynyn, bul qalanyń densaýlyq saqtaý júıesine jalpy júktemeni arttyratynyn atap ótti.
Medıtsınalyq qyzmet kórsetýshilerdiń qoldanystaǵy quzyreti aıasynda sharttyq mindettemelerdi oryndaýyn baqylaý boıynsha birqatar naqty tapsyrmalar berildi.
«Búginde Almatyda vaktsınalaý qarqynynyń deńgeıi táýligine 8,5 myń. Sonymen qatar, ınfektsııanyń jańa jaǵdaılaryn tirkeý jalǵasýda. Emdeýge jatqyzý derekteri 700 jaǵdaıdan asady. Qala turǵyndarynyń ómiri men densaýlyǵynyń saqtalýyn qamtamasyz etý úshin COVID-19-ǵa qarsy vaktsınatsııamen qamtýdy keńeıtý úshin birlese jumys jasaý qajet. Koronavırýstyń basqa respıratorlyq ınfektsııalarmen qabattasýyn boldyrmaý úshin ujymdyq ımmýnıtetti qalyptastyrý ásirese JRVI jáne tumaý maýsymynyń aldynda mańyzdy», - dedi Erjan Babaqumarov.
