Almatyda medıtsınalyq qyzmetkerlerge biliktilik sanattaryn berý máselesi talqylandy
ALMATY. 24 qańtar. QazAqparat /Erbol Turymbetov/ - QR Densaýlyq saqtaý mınıstrligi Almaty qalasynda respýblıkanyń kásibı medıtsınalyq qaýymdastyqtarmen jumys keńesin ótkizdi.
Jıynda memleket jáne qoǵamdyq birlestikter arasyndaǵy seriktestik baılanystardy damytý jáne nyǵaıtý maqsatynda ákimshilik kedergilerdi alý boıynsha keńeıtilgen bir top másele talqylandy.
Basqosýda QR Densaýlyq saqtaý mınıstrligi Memlekettik sanıtarlyq-epıdemııalogııalyq baqylaý komıteti tóraǵasynyń orynbasary Baýyrjan Baıserkın osy salaǵa qatysty statıstıkalyq málimettermen tanystyra otyryp, qatysýshylardyń usynys-pikirlerin tyńdady. Onyń sózine qaraǵanda, búginde medıtsınalyq qyzmetkerlerdiń deńgeıin anyqtaýda táýelsiz medıtsına sarapshylaryna qajettilik týyp otyr. «Biliktilik sanattary fýnktsııalaryn aǵymdaǵy jylǵy 1 toqsanda medıtsınalyq qyzmetkerlerge, beıindik qaýymdastyqtarǵa berý tetigi qarastyrylady. Sondaı-aq, ÚEU-lardy baqylaý jáne ruqsat fýnktsııalaryn júzege asyrýǵa aldaǵy ýaqytta memlekettik qyzmetker emes, sarapshylardy tartý jalǵasatyn bolady», dedi B. Baıserkın.
