Almatyda medıtsınalyq kvota júıesi talqylanýda
ALMATY. 24 mamyr. QazAqparat - Búgin Almatyda «Emdeýdegi medıtsınalyq kvota júıesi: máseleler men sheshimder» degen taqyrypta alqaly jıyn ótti.
Ony Saıası sheshimder ınstıtýty uıymdastyryp otyr. Sarapshylar onda júıeniń tıimdiligin qalaı kóterý kerek, kvota bólýdiń qandaı modeli barlyq aýyr naýqastardy qamtýǵa ońtaıly, memlekettik kvotalandyrý salasyndaǵy máselelerdi qalaı sheshýge bolady degen sııaqty saýaldarǵa jaýap izdeýde. Basty spıkerler retinde oǵan - QR Densaýlyq saqtaý mınıstrliginiń Medıtsınalyq qyzmet tólemderi komıteti tóraǵasynyń orynbasary Gúlim Asylbekova, «Mıloserdıe» eriktiler qoǵamynyń prezıdenti Arýjan Saın, 4DClick jobasynyń jetekshisi Saltanat Myrzalınova-ıAkovleva qatysýda.
Jalpy densaýlyq saqtaý salasynda qol jetimdi jáne der kezinde sapaly kórsetilgen medıtsınalyq qyzmet tıimdiliginiń negizgi kórsetkishi bolyp tabylady. Qazaqstanda ondaǵy negizgi máseleniń biri emdeýge medıtsnalyq kvota bólý júıesi. Jyl saıyn kvota bólý tártibi ózgerip, aýrýlar tizimi keńeıtip, bıýdjet ulǵaıýda. Bul baǵytta memleket belsendi túrde jumys jasap jatqanymen, onyń tıimdiligin kóterý áli ózektiligin joıǵan joq.
