Almatyda medıtsınalyq qorǵa aqsha aýdarmaǵan jumys berýshiler anyqtaldy

ALMATY. QazAqparat – Almaly aýdanynyń prokýratýrasy medıtsınalyq saqtandyrý qoryna qarajat aýdarmaǵan 76 jumys berýshini anyqtady, dep habarlaıdy QazAqparat tilshisi.

QR «Mindetti medıtsınalyq saqtandyrý týraly» Zańyna sáıkes jumys berýshi jumyskerdiń eńbek densaýlyǵyn saqtaý múddesine oraı qorǵa jumyskerdiń kirisinen 1,5% kóleminde qarajatty aı saıyn aýdarýǵa mindetti.

«Almatyda jumys berýshiler tarapynan 452 qyzmetkerge aýdarymdar júrgizilgen joq. Almaly aýdany prokýratýrasynyń qadaǵalaý aktisi boıynsha jumyskerlerdiń densaýlyǵy úshin Qorǵa 1,6 mln teńge aýdaryldy. Kináli tulǵalar jaýapkershilikke tartylady. Sonymen qatar, jumys berýshilerge jumyskerlerdiń áleýmettik jáne eńbek quqyqtaryn buljytpaı oryndaý qajettiligi týraly túsindiriledi», - delingen prokýratýra habarlamasynda.