Almatyda medıtsınalyq qoqysty zararsyzdandyratyn tsehtar salynýda
ALMATY. QazAqparat – Almatyda barlyq emdeý mekemelerinde medıtsınalyq qoqysty zararsyzdandyratyn tsehtar ashylatyn boldy. Bul týraly qalalyq Sanıtarııalyq-epıdemıologııalyq baqylaý departamentiniń basshysy Jandarbek Bekshın aıtty, dep habarlaıdy QazAqparat tilshisi.
Sanıtarlyq dárigerdiń aıtýynsha, qalada medıtsınalyq mekemelerde medıtsınalyq qoqysty zararsyzdandyratyn arnaıy tsehtardyń qurylysy bastalǵan. ıAǵnı, medıtsınalyq qoqystar endi qashyq jerlerge tasymaldanbaıtyn boldy.
«Pandemııa bastalǵaly beri jeke qorǵanys quraldaryn joıý máselesi ózekti bolyp tur. Buryn medıtsınalyq qoqystar syrtqa shyǵarylyp órteletin. Qazir emdeý mekemeleriniń qasynan zararsyzdandyrý tsehtary salynyp jatyr. Tasymaldaýdy qajet etpeıtin joıý júıesi qazir ınfektsııalyq aýrýhanalarda tıimdiligin kórsetip jatyr. Jaqynda osyndaı tsehtar 15 emdeý mekemesinde paıda bolady», - dedi Jandarbek Bekshın Atameken Business telearnasynyń tikeleı efırinde.
Aıta ketý kerek, Almaty qalasy qyzyl aımaqqa enýine baılanysty jańa qaýly qabyldandy.
Qaýlyǵa sáıkes saýda, oıyn-saýyq ortalyqtary men bazarlar senbi-jeksenbi kúni jumys istemeıdi.
Al kınoteatrlar men teatrlardyń jumysy ýaqytsha toqtatyldy.
Sonymen qatar, jańa qaýlyǵa sáıkes endi koronavırýs juqtyrǵan adamdar aýrýhanaǵa jatyp emdeledi.
