Almatyda medıtsınalyq bilim berý úlgisi týraly halyqaralyq konferentsııa ótýde
ALMATY. 25 mamyr. QazAqparat - Búgin Almatyda «QazUMÝ medıtsınalyq bilim berý úlgisin júzege asyrý tájirıbesi» dep atalatyn 2 kúndik halyqaralyq ǵylymı-tájirıbelik konferentsııa bastaldy.
Sanjar Asfendııarov atyndaǵy Qazaq ulttyq medıtsına ýnıversıtetiniń jyl saıyn uıymdastyrylatyn dástúrli bul sharasy ýnıversıtetke Bolondyq úrdistiń qaǵıdalaryn saqtaıtyn medıtsınalyq bilim berýdiń ozyq úlgisin engizý bolyp tabylady. 2010 jyldan bastap ýnıversıtetterdiń Bolondyq hartııasynyń qol qoıýshysy bolyp tabylatyn oqý orny byltyr birinshi konferentsııany medıtsınalyq bilim berý fılosofııasyn ózgertýge arnaǵan bolatyn. Bıyl onda myna jáıttarǵa basty nazar aýdarylmaq: QazUMÝ medıtsınalyq bilimniń úlgisi: kredıttik-úlgilik oqý júıesiniń damytýdy júzege asyrý men máseleleri; JOO Bolon úrdisi bilim sapasynyń sharty retinde; Oqý úrdisinde menedjmentti jetildirý ; Bilim, ǵylym men tájirıbeni yqpaldastyrý, Dıplomnan keıingi deńgeıde QazUMÝ medıtsına biliminiń úlgisin júzege asyrý bolashaǵy; Medıtsınalyq JOO oqytýshylarynyń biliktiligin jetildirý jáne qalyptastyrý máselesi; JOO oqý úrdisinde qashyqtyqtan oqytý tehnologııasy.
Bul keleli máselelerdi talqylap, negizgi baǵyttar boıynsha usynystar daıyndaý jáne sheshim qabyldaý úshin oǵan ýnıversıtettiń baqylaý keńesiniń múshesi, akademık T. Sharmanov, QR BǴM JOO jáne JOO-dan keıingi bilim departamenti dırektorynyń orynbasary S.Ismaǵulova, QR DM Medıtsına bilimi men ǵylymy basqarmasynyń bastyǵy A. Syzdyqova jáne Qazaqstan men Qyrǵyzstan joǵary oqý oryndarynyń jáne basqa da múddeli uıymdardyń jetekshileri men ókilderi qatysýda.
