Almatyda medıtsına uıymdaryna 116 mlrd teńge tólendi
ALMATY.QazAqparat – MSQ almatylyq medıtsına uıymdaryna halyqqa kórsetken medıtsınalyq qyzmetteri úshin 116 mlrd teńgeden astam aqsha tólendi, dep habarlaıdy QazAqparat tilshisi.
«Áleýmettik medıtsınalyq saqtandyrý qory» KEAQ jyl basynan beri memlekettik tapsyrys boıynsha kórsetilgen qyzmetter úshin 116 mlrd teńge tóledi. Qarjy tegin medıtsınalyq kepildendirilgen kómek kólemi (TMKKK) sheńberinde bólindi.
Esterińizge sala ketsek, medıtsınalyq saqtandyrý qory 2018 jyldan beri memlekettik bıýdjetten qarjylandyrylatyn kepildendirilgen tegin kómek paketiniń operatory bolyp tabylady. 2020 jyldan bastap Qor mindetti áleýmettik medıtsınalyq saqtandyrý sheńberinde kórsetiletin qyzmetterdiń aqysyn tóleı bastamaq.
Jalpy, Almaty qalasynda 176 medıtsına uıymy Medıtsınalyq saqtandyrý qorymen memlekettik tapsyrysty oryndaý jóninde kelisimshart bekitken. Onyń basym bóligi – jeke menshik klınıkalar. 2019 jylǵa bekitilgen kelisimsharttyń jalpy somasy 119,3 mlrd teńgeni qurap otyr.
