Almatyda medıtsına mamandyǵyna suranys artqan
ALMATY. QazAqparat - Almatyda medıtsına mamandyǵyna suranys artyp otyr. Berilgen ótinishter sany byltyrǵydan eki esege kóp. Bul týraly Almaty Joǵarǵy medıtsınalyq kolledjiniń dırektory Svetlana Sultanǵazıeva aıtty, dep habarlaıdy QazAqparat tilshisi.
«Bizdiń baqylaýymyzsha, medıtsınalyq mamandyqtarǵa suranys artqan. Sebebi, abıtýrıentter sany kóbeıip otyr. 1500 jýyq adam qujat tapsyrǵan. Qujattardy qabyldaý 2020 jyldyń 20 maýsymynan bastap onlaın júrgizildi», - dedi Svetlana Sultanǵazıeva.
Maman mundaı úrdlisti zańdylyq dep baǵalap otyr. Sebebi, koronavırýspen kúreste aldyńǵy qatarǵa medıtsına kadrlary jumyldyrylǵan bolatyn.
«Epıdemııanyń sharyqtaý sheginde statsıonarlarda 4500 medıtsına qyzmetkeri jumys istegen. Dárigerler, medbıkeler, zerthanashylar. Bul jumysshylardyń barlyǵy batyrlar desek te bolady»,- dedi ol.
Sondaı-aq, medıtsına mamandaryna suranys jasyna qaraı da artqanyn aıta ketý kerek. Bıyl abıtýrıentterdiń jasy 54-ke jetti. Medbıke isi mamandyǵyna 482 adam (56,3%) tapsyrǵan.
