Almatyda medıtsına mamandarynyń qatysýymen kóshpeli shtab ótedi

ALMATY. QazAqparat - Densaýlyq saqtaý mınıstri Alekseı Tsoı Almatyǵa issapary barysynda qala ákimi Baqytjan Saǵyntaevpen jáne medıtsına qyzmetkerlerimen kezdesti, dep habarlaıdy QazAqparat.

Densaýlyq saqtaý mınıstrliginiń málimetinshe, júzdesýde qazirgi epıdjaǵdaı jáne koronavırýs ınfektsııasyna qarsy kúres boıynsha qabyldanyp jatqan sharalardyń tıimdiligin talqylanǵan.

Alekseı Tsoı KVI boıynsha jaǵdaı Memleket basshysy men Úkimettiń erekshe baqylaýynda ekenin atap ótti.

Sondyqtan Almatyda COVID-19-ǵa qatysty jaǵdaıdy turaqtandyrý úshin jergilikti atqarýshy organdardyń, Densaýlyq saqtaý mınıstrligi, qalalyq densaýlyq saqtaý basqarmasy mamandarynyń, jetekshi klınıtsıster men sanepıdbaqylaý qyzmeti mamandarynyń, medıtsınalyq jáne farmatsevtıkalyq baqylaý komıteti qyzmetkerleriniń qatysýymen kóshpeli shtab ótkizý týraly sheshim qabyldandy.

Mınıstr máseleni ınfektsııanyń odan ári taralý qaýpin, vırýstyń jańa mýtatsııalaryn eskere otyryp sheshýge nazar aýdardy.