Almatyda medıtsına qyzmetkerleriniń qurmetine mamyrgúl kóshetteri otyrǵyzyldy
ALMATY. QazAqparat – Almatyda Tóle bı men Masanchı kósheleri qıylysyndaǵy saıabaqqa 30 túp mamyrgúl butaǵy otyrǵyzyldy, dep habarlaıdy QazAqparat tilshisi.
«Qazaqstanǵa arnalǵan aǵashtar» jobasy aıasynda «Іzgi ister marafony» ulttyq jobasy men Áleýmettik mańyzy bar bastamalardy damytý qory Almatydaǵy Tóle bı men Masanchı kósheleri qıylysyndaǵy saıabaqqa 30 túp mamyrgúl butaǵyn otyrǵyzdy.
Uıymdastyrýshylardyń aıtýynsha, aktsııa medıtsına qyzmetkerleriniń qurmetine arnalǵan.
«Bul jer aldaǵy ýaqytta mamyrgúl parkine aınalady. Bul aktsııany koronavırýspen kúresken barlyq medıtsına qyzmetkerlerine arnadyq. Munda mamyrgúldiń «meıera» tuqymy otyrǵyzyldy. Bul joba elimizdiń basqa da óńirlerinde qolǵa alynǵan. Qazir tórt joba Nur-Sultan qalasy boıynsha júzege asyrylyp jatyr. Atap aıtar bolsam, «Ustaz alańy», «Medıtsına qyzmetkerleriniń skveri», «8 naýryz alleıasy» jáne «Naýryz» alleıasy. Jobanyń maqsaty – ár qazaqstandyqty elimizdi kógaldandyrýǵa jumyldyrý», - deıdi Qoǵamdyq mańyzy bar bastamalardy damytý qorynyń ókili Dına Danııarova.
Jobanyń barlyq qatysýshylarynyń maqsaty – Ekoparkti qurý ǵana emes, sonymen birge, onyń sapasyn qoldaý jáne odan ári belsendi damytý.
«Biz únemi eleýmettik jobalarǵa qoldaý kórsetemiz. Bizdiń maqsatymyz – adamdarǵa qýanysh syılaý, basqalarǵa úlgi kórsetý. Aldaǵy ýaqytta bul saıabaq qalalyqtardyń súıikti ornyna aınalady dep oılaımyz», - dedi «Kórkem telekom» JShS dırektory Áset Ahmetov.
Aıtylyp ótkendeı, aktsııaǵa qatysqandar barlyq sanıtarlyq talapty saqtady.
