Almatyda medıtsına qyzmetkerlerine ústemeaqy 96%-ǵa tólendi
ALMATY. QazAqparat – Almatyda koronavırýspen kúresip jatqan medıtsına qyzmetkerlerine berilýi tıisti ústemeaqy 96 paıyzǵa tólendi. Bul týraly onlaın brıfıng barysynda qalalyq Qoǵamdyq densaýlyq saqtaý basqarmasynyń basshysy Tileýhan Ábildaev aıtty, dep habalaıdy QazAqparat tilshisi.
«Dárigerlerdiń ústemeaqysyna kelsek, bul qarajat osy aıdyń basynan tólene bastady. Osy maqsatta 1 mlrd 134 mln teńge bólindi. Barlyǵy 3711 adam ústemeaqy alady», - dedi Tileýhan Ábildaev.
Onyń aıtýynsha, qazir 1-toptaǵy 555 medıtsına qyzmetkerine 375,1 mln teńge berilgen. 2- toptaǵy 2283 adamǵa 569,9 mln teńge aýdarylǵan. 3-toptaǵy 874 qyzmetkerge 118,3 mln teńge tólengen.
«Tólemder atqarylǵan jumys saǵatyna qaraı beriledi. Bul qarjy aılyq jumys balansynan aspaýy kerek. Salyq kodeksine sáıkes barlyq salyqtar eskeriledi. Qazir barlyǵy 1 mlrd 63 mln teńge tólendi. Bul bólingen qarajattyń 96%-y», - dedi ol.
Basqarma basshysynyń aıtýynsha, búgin keshke deıin jedel medıtsınalyq qyzmet ókilderine, 2 karantın uıymy qyzmetkerlerine tólem aýdarylady.
