Almatyda medıtsına qyzmetkerlerine qurmet kórsetildi
/strong>Mamyrdyń 18-i. QazAqparat /Ádilet Musahaev/ - Osy jyly Almatyda jeti densaýlyq saqtaý keshenin salý josparlanýda. Bul jaıynda búgin Almaty qalasynyń ákimi Ahmetjan Esimov Medıtsına qyzmetkerleri kúnine arnalǵan saltanatty jınalys barysynda málim etti,
dep habarlaıdy QazAqparat.
«Daǵdarysqa qaramastan 2010 jyly qalamyzdaǵy densaýlyq saqtaý salasyna 27,2 mıllıard teńge bólinip otyr, bul ótken jylǵa qaraǵanda 1,5 ese kóp. Bólingen qarjynyń kóptigi naqty nátıjelerin ákelýde. Qalada ólim deńgeıi azaıyp, bala týý kórsetkishi ósip otyr. Sonymen qatar erkekterdiń ortasha ómir súrý jasy tórt jylǵa, áıelderdiki - 1,5-ke artyp otyr», dep atap ótti óz sózinde qala ákimi.
Qalamyzdaǵy medıtsına qyzmetkerleri jyl saıyn mereke qarsańynda atqarylǵan isterge esep berip, jetistikke jetken áriptesterine qurmet kórsetý úshin kásibı konkýrstar ótkizýdi dástúrge aınaldyrǵan. Bıylǵy konkýrstyń nátıjesi boıynsha «2010 jyldyń úzdik dárigeri» júldesi №5 qalalyq klınıkalyq aýrýhana dárigeri Jambyl Anarqululy Fazylovqa buıyrsa, «2010 jyldyń úzdik medbıkesi» marapatyna da osy aýrýhananyń medbıkesi Mádına Baeva ıe boldy.
Sondaı-aq qala ákimi búgin úzdik medıtsına qyzmetkerlerin arnaıy quttyqtaý qaǵazdarymen marapattap, úsh qyzmetkerge páter kiltin tabys etti.
Qaladaǵy aq halatty abzal jandar 35 myńnan astam qala turǵyndarynan turatyn meken-jaılary boıynsha kúndelikti bastapqy medıko-sanıtarlyq kómek kórsetý, 30 myńnan astam dıagnostıkalyq zertteýler júrgizý jáne 1500-ge deıin jedel medıtsınalyq járdem kórsetedi. Sonymen qatar 6000-daı naýqasty emdeý jáne olarǵa jedel terapııalyq kómek kórsetý úshin qala statsıonarlaryna jatqyzý, kúndelikti 300-den astam kúrdeli hırýrgııalyq operatsııalar jasaý men 70-ten asa anany bosandyryp alady.
