Almatyda medıatorlardyń halyqaralyq forýmy ótedi
ALMATY. 20 shilde. QazAqparat /Erlik Erjanuly/ - Almatyda 5 tamyzda «Álemdik qoǵamdastyqta medıatorlardyń ózara árekettestiginiń tıimdi ınstıtýtyn qurý» dep atalatyn ІІ Halyqaralyq forým ótedi.
QR Tuńǵysh Prezıdenti qorynda ótetin bul sharany "Medıatsııa" biryńǵaı medıatsııa jáne kelisim ortalyǵy uıymdastyryp otyr. Oǵan sot korpýsy, quqyq qorǵaý organdary, zańdyq qoǵamdastyq ókilderi, korporatıvtik quqyq salasynyń mamandary, joǵary jáne orta deńgeıdegi menedjerler, psıhologtar, áleýmettanýshylar, oqytýshy ǵalymdar men ártúrli salada jumys jasap júrgen medıatorlar shaqyrylǵan. Alǵashqy halyqaralyq forým buǵan deıin Almatyda 2010 jyly 7 jeltoqsanda ótken edi. Bıyl bul shara Elbasy Nursultan Nazarbaev 28 qańtarda qol qoıǵan "Medıatsııa týraly" QR Zańnyń kúshine enýimen tuspa-tus kelip otyr.
