Almatyda medıamádenıetti saralaǵan halyqaralyq konferentsııada ótip jatyr

. Qazaqstan Respýblıkasy memlekettik rámizderiniń 20 jyldyǵyna arnalǵan bul sharany ál-Farabı atyndaǵy Qazaq ulttyq ýnıversıteti uıymdastyryp otyr.  Oǵan  elimizdiń áleýmettik-gýmanıtarlyq ǵylymdar salasyn zertteýshi kórnekti ǵalymdar, jas izdenýshiler jáne Ortalyq Azııa halyqtarynyń etnomádenıetin zertteýshi sheteldik ǵalymdar men vızýaldy kommýnıkatsııa salasynyń belgili mamandary qatysýda. Konferentsııa kezinde eldiń ıntellektýaldy áleýetin arttyrý - memlekettik saıasattyń basty vektory; Qazaqstandyq BAQ ıntellektýaldy qoǵam qalyptastyrýdyń aqparattyq-kommýnıkatıvtik alańy retinde;  Qazaqstannyń ıntellektýaldy áleýeti artýyndaǵy medıamádenıettiń róli;  Qazaq ádebıeti men óneriniń ıntellektýaldy qundylyqtardy qalyptastyrýdaǵy orny;  Bilim men ǵylym  - órkenıetti qoǵam qalyptastyrýdyń ıntellektýaldy qory retinde; Intellektýaldy áleýetti arttyrýdaǵy  gýmanıtarlyq tehnologııalardyń mańyzy sııaqty taqyryptar talqylanýda. Konferetsııa barysynda buqaralyq kommýnıkatsııa, medıasemıotıka jáne mádenıettaný salalaryn zertteýshi ǵalymdardyń «Intellektýaldy ulttan - ıntellektýaldy áleýetke»  atty ujymdyq monografııasy men  www.intelligent.kz gýmanıtarlyq zertteýler portalynyń  tusaýkeseri bolady dep josparlanýda.