Almatyda "Medıatsııa salasyndaǵy tıimdi qarym-qatynas jasaý mehanızmin qalyptastyrý" taqyrybynda halyqaralyq forým ótip jatyr
ALMATY. 5 tamyz. QazAqparat /Erlik Erjanuly/ - Búgin «Medıatsııa týraly» QR Zańy óz kúshine endi. Bul medıatorlardyń Almatyda ótip jatqan "Medıatsııa salasyndaǵy tıimdi qarym-qatynas jasaý mehanızmin qalyptastyrý" degen taqyryptaǵy 2-halyqaralyq forýmda aıtyldy.
Ony "Medıatsııa" Biryńǵaı medıatsııa jáne bitimgershilik ortalyǵy qoǵamdyq birlestigi men Qazaqstan tutynýshylarynyń ulttyq lıgasy uıymdastyrdy.
"Forým eń aldymen "Medıatsııa týraly" QR Zańynyń óz kúshine enýine arnalyp otyr. Biz bul kúndi Qazaqstandaǵy medıatsııa kúni dep jarııalaýdy usynbaqpyz. Medıatsııa - bul bitimgershilik. Ol daýlasqan taraptardyń kelispeýshligin sheship qana qoımaı olardy bitimge, ózara túsinistikke shaqyrady. Keri baılanysty uıymdastyryp, adamdardy sóıleýge, tyńdaýǵa úıretedi", - deıdi "Medıatsııa" Biryńǵaı medıatsııa jáne bitimgershilik ortalyǵynyń Basqarma tóraıymy Svetlana Romanovskaıa.
Onyń aıtýynsha, bul forýmda olar medıatsııa salasynda quzyrly organdarmen tıimdi qarym-qatynas jasaý tetikterin qalyptastyrý máselesin talqylamaq. Qazir adamdar arasyndaǵy bir-birin túsinbeýshilik daý-janjaldan qan tógiske deıin aparýda. Sondyqtan da qazir bitimgershilik qyzmetti damytýdyń mańyzy men róli óte zor. Medıatorlardy daıyndaý jumysyn qoǵamdyq birlestik óz qolyna alyp, birneshe jyldyń ishinde qajetti mamandardy jetkilikti deńgeıde ázirlep shyqty.
