Almatyda Medeýge deıin jańa avtobýstar júre bastady

Almaty ákimi Baýyrjan Baıbek jumys sapary barysynda №12 baǵyty boıynsha «Qazaqstan» qonaq úıinen «Medeý» bıik muz aıdynyna deıin baratyn jańa avtobýstardy  kórdi.

Almatyda bıylǵy kólik reformasy aıasynda syıymdylyǵy ártúrli 388 avtobýs alyndy. Olardyń 195-i baǵyttar boıynsha qyzmet kórsetýde, taǵy 200 jańa avtobýs qalaǵa keldi jáne olar kezeńimen  jolǵa shyǵady. Óz kezeginde jeke tasymaldaýshylar da 254 jańa avtobýs aldy. Olardyń 91-i qala joldarynda reıske shyqty.

Jalpy mamandardyń aıtýynsha, qalanyń avtobýs parkiniń  30%-ǵa jańarýy jáne baǵyt jelisiniń ulǵaıýy  jolaýshylar legin 20,6% arttyrdy. Qoǵamdyq kólikter 2016 jyly 174,6 mln  adam tasymaldasa, 2017 jyly 220,1 mln adam tasymaldaǵan. Tasymaldaýshy josparly shyǵýdy qamtamasyz ete  almasa, ınterval men jyljymaly quramdy jańartý «Almatyelektrotransqa» beriledi. Mysaly, №70  baǵytta avtobýstar jańardy, ınterval qysqardy, sonyń arqasynda jolaýshylar legi 12 ese ósti.  ıAǵnı táýligine 395 adamnan 4,6 myń adamǵa deıin jetti. Jaqynda №201  baǵytqa shyqqan 18 metrli avtobýstar kúnine 11,6 myń adamdy tasymaldap júr.

 №12 baǵyty boıynsha  jolǵa shyqqan 12-metrli tómen edendi  avtobýstar Eýro-5  ekologııalyq sanatyna saı,  syıymdylyǵy 100  adamnan joǵary, kondıtsıonerlermen, vıdeobaqylaý kameralarymen,pandýstarmen jáne basqalarmen tolyq jabdyqtalǵan. Atalǵan baǵytty «Almatyelektrotrans» JShS uıymdastyrdy. Jaı kúnderi avtobýstar arasyndaǵy ınterval alty  mınýtqa qysqarǵan, al demalys kúnderi eki mınýtqa azaıǵan.

 Bosaǵan avtobýstardy «Green Bus company»  JShS  №120 baǵytty kúsheıtý úshin paıdalanady,   keıin bul baǵyt aınalmaly bolady.

Eske salsaq, buryndary Almatyda kólikti reformalaý aıasynda №22, 70, 86, 65, 103, 50, 126, 112 baǵyttary boıynsha jańa  avtobýstar jolǵa shyǵyp, №77 baǵyt qaıta  ashylyp, kólikter  №201 magıstraldy baǵyty boıynsha júre bastaǵan edi. Kórshi oblystan qalaǵa qosylǵan eldi mekenderge tolyq kólik qyzmetin kórsetý  masqatynda segiz baǵyt ashylǵan bolatyn.