Almatyda Medeý jáne Alataý aýdandary ystyq sýdan ajyratylady
«Almaty jylý júıesi» JShS málimetinshe, 4 tamyzda saǵat 09.00- den 20.00- ge deıin Medeý aýdanynyń aýmaǵynda Sátbaev – Dostyq-Taımanov-Nazarbaev kósheleriniń kontýrynda, sondaı-aq Samal-1, Samal-2 jáne Samal-3 shaǵyn aýdandarynda ornalasqan turǵyn úıler men ǵımarattarda ystyq sý bolmaıdy. 1Jylý jelilerin qaıta qurylymdaý kezeńinde tutynýshylardy ystyq sýmen qamtamasyz etý jónindegi jumystardyń qaýipsizdigin qamtamasyz etý úshin shekteýler engiziledi. Ýaqytsha qolaısyzdyqtarǵa túsinistikpen qaraýdy suraımyz1, - dep málim etti «Almaty jylý júıesi» JShS. Sondaı-aq Alataý aýdanyndaǵy ǵımarattardyń bir bóligi ystyq sýdan ýaqytsha ajyratylady.
«7-21 tamyz aralyǵynda «Almatyjylýkommýnenergo» JShS qazandyqtarynda josparly jóndeý jumystaryn júrgizý kezinde qaýipsizdikti qamtamasyz etý úshin Alataý aýdany aýmaǵynda ornalasqan turǵyn úıler men ǵımarattardy ystyq sýmen jabdyqtaý shekteledi», - delinedi habarlamada.
Ýaqytsha shekteý Baýyrjan Momyshuly – Arqalyq – Úlken Almaty kanaly boıy kóshesiniń shyǵysyndaǵy (soltústik jaǵy) kóshelerdiń kontýrynda shekteledi. Eske salsaq, buǵan deıin de Medeý aýdanynyń turǵyndary sýsyz qalǵan edi