Almatyda «Medeý» tabıǵı saıabaǵynyń basshylary para alǵany úshin ustaldy

ALMATY. QazAqparat - Almaty qalasy boıynsha Sybaılas jemqorlyqqa qarsy is-qımyl departamenti «Medeý» tabıǵı saıabaǵynyń basshylaryn kásipkerlik sýbektisinen para alǵany úshin ustady, dep habarlaıdy QazAqparat tilshisi.

«Kásipkerlik sýbektisinen buryn jasalǵan memlekettik satyp alý týraly sharttar boıynsha oryndalǵan jumys aktilerine qol qoıý úshin para alý faktisi boıynsha laýazymdy tulǵalarǵa qatysty sotqa deıingi tergeý amaly júrgizilip jatyr», - dep jaýap berdi Almaty qalasy boıynsha Sybaılas jemqorlyqqa qarsy is-qımyl departamentiniń ókili QazAqparat joldaǵan saýalǵa.

Vedomstvo málimetinshe, QR Qylmystyq-protsestik kodeksiniń 201-babyna sáıkes qylmystyq is boıynsha ózge málimetter jarııalanbaıdy.