Almatyda Medeý-Shymbulaq joly jabyldy

ALMATY. QazAqparat - Almaty qalasynyń tótenshe jaǵdaılar departamenti taýda abaı bolýǵa shaqyrdy, dep habarlaıdy QazAqparat tilshisi.

Almaty qalasy Tótenshe jaǵdaılar departamenti taratqan málimetke sáıkes, Medeý-Shymbulaq avtojolynyń dıspetcherlik postynyń janynda Medeýge, Shymbulaq-Tuıyq sý tas jolyna «Shymbulaq» taý shańǵy kýrortynan joǵary, sondaı - aq Almaty-Úlken Almaty ózeniniń avtojolyna, «Aıýsaı» shatqalyna aparar jolǵa beketter qoıyldy.

«8- 9 naýryz aralyǵynda Úlken Almaty jáne Kishi Almaty ózenderiniń basseınderinde jylymyqtyń áserinen, qar jamylǵysynyń turaqsyz bolýyna baılanysty qar kóshkini bolýy múmkin»,- dep habarlady vedomstvodan.

Qutqarýshylar turǵyndardy qar kóshkinin týdyrmaý úshin taý betkeılerine shyqpaýǵa, sondaı-aq jeke qaýipsizdik sharalaryn saqtaýǵa, taýda jaıaý serýendeýden bas tartýǵa shaqyrady.