Almatyda Medeý-Shymbulaq aspaly jolynda qutqarý operatsııasy júrgizildi (FOTO)
ALMATY. QazAqparat - Búgin Almatyda Medeý-Shymbulaq aspaly jolynda qutqarý operatsııasy júrgizildi. Bul týraly Almaty q. TJD baspasóz qyzmeti habarlady.
Ýnıversıada-2017 nysandarynda qaýipsizdikti qamtamasyz etý aıasynda Almaty qalasy ákiminiń tapsyrmasy boıynsha Almaty qalasynyń Tótenshe jaǵdaılar departamenti «Medeý» shatqalyndaǵy bógettiń ústinen ótetin aspaly joldyń eń bıik núktesinde kenetten toqtaǵan kabınalardyń ishindegi «týrısterdi» evakýatsııalaý boıynsha oqý-jattyǵý sharasyn ótkizdi.
Úsh bólimsheniń qutqarýshylaryna bir saǵattyń ishinde birden úsh kabınanyń ishinen evakýatsııalaý isin júrgizý sııaqty qıyn tapsyrma júkteldi. Sarapshylardyń pikirinshe, qys mezgili jaǵdaıynda týra bir saǵattan keıin jylýy joq gondolanyń ishinde qalǵan bala sýyq ótýden qaıtys bolýy múmkin eken.
Qutqarýshylar qoıylǵan tapsyrmany 30 mınýtta oryndap şyqty.
Olar bul operatsııany -11 0 gradýs aıazda 136 metr bolatyn eń joǵary bıiktikte atqardy. Aspaly jolmen kabınaǵa jetý úshin «Shymbulaq» TShK qutqarýshylary qol pedaldaryn aınaldyrý arqyly tartylǵan aspaly jolmen jyljýǵa múmkindik beretin erekshe «velosıpedti» paıdalandy.
Ózara is-qımyl jasaý retinde qutqarýshylarǵa qalanyń Azamattyq qorǵaý memlekettik júıesiniń barlyq jedel qyzmetteri: Almaty qalasynyń ІІD, «Apattar medıtsınasy ortalyǵy» MM, ShJQ «Medıtsınalyq jedel járdem stantsııasy» MKK, «Qazseldenqorǵaý» AATPB, azamattyq qorǵaýdyń saýda-sattyq qyzmeti atsalysty.
Kúshter men quraldardy úılestirý jáne basqarý úshin komandalyq-shtabtyq mashınanyń bazasynda TJD-nyń shtaby quryldy.
Osylaısha, oqý-jattyǵýdyń barlyq maqsattary men mindetterine qol jetkizip, jumystardy atqarý barysynda aıqyndalǵan keıbir túıindi máselelerdiń sheshý joldary belgilendi.
Aıta ketelik, Respýblıkalyq jedel-qutqarý jasaǵy, Almaty qalasy «Qutqarý qyzmeti» MKQK, «Shymbulaq» TShK shańǵy patrýli - osy úsh bólimsheniń shtatynda kóptegen adam ómirin qutqarǵan tájirıbeli alpınıst-qutqarýshylar qyzmet etedi.
