Almatyda «Medeý - Shymbulaq» aspaly joly ashylady
ALMATY. 4 Qarasha. QazAqparat /Názıra Eleýhan/- Almatyda 12 qarasha kúni «Medeý - Shymbulaq» aspaly joly resmı túrde ashylady.
Jaqynda aspaly jol synaqtan ótken bolatyn. Oǵan Almaty qalasynyń ákimi Ahmetjan Esimov arnaıy qatysty.
Medeýdegi bazalyq stansydan Shymbulaq taý kýrortyndaǵy aspaly joldyń bıik núktesine syrǵymaly kabınamen 20 mınýttyń ishinde jetýge bolady. Onyń jalpy uzyndyǵy - 4,5 shaqyrym. Bul álemdegi ekinshi osyndaı jol bolyp tabylady. Aspaly jol boıymen 114 kabına ári-beri qatynaıtyn bolady, olardyń árqaısysynyń syıymdylyǵy - 8 jolaýshyǵa eseptelgen.
Synaqtan ótkizý barysynda qala ákimi Ahmetjan Esimov aspaly joldyń Medeý men Shymbulaqty baılanystyratyndyǵyn jáne qala ekologııasyna oń yqpal etip, jeńil jáne basqa da kólikterdiń qozǵalysyn shekteıtindigin atap ótti.
Munda demalýshylar úshin jerústi jáne jerasty parkıngteri jumys isteıtin bolady. Olardyń kólik syıymdylyǵy - 150 jáne 850 kólik orny.
Qala ákimi Shymbulaqtaǵy eski aspaly joldardy aýystyratyn eki aspaly jol qurylysynyń barysymen de tanysty. Ol Talǵar asýynda salynyp jatyr.
