Almatyda Medeý muz aıdyny ýaqytsha jabylady
ALMATY. QazAqparat – Almatyda 18-24 aqpan kýnderi konkımen júgirýden QR Kýbogynyń fınaldyq kezeńine daıyndyq júrgizilýine baılanysty Medeý muz aıdyny jabylyp, jappaı syrǵanaý toqtatylady.
Bul týraly Almaty qalasy sport basqarmasynan málim etti, dep habarlaıdy QazAqparat tilshisi.
Vedomstvonyń málimetinshe, jarys jankúıerleri úshin muz aıdynyna kirý ashyq bolady.
«21-24 aqpan aralyǵynda ótetin jeke jáne komandalyq birinshiliktiń fınalyna respýblıkalyq mańyzy bar eki qala men elimizdiń 7 oblysynyń sportshylary qatysady»,- dep habarlady qalalyq sport basqarmasynan.
