Almatyda Medeý aýdanynyń ákimi eń úzdik jańa jyldyq bezendirý baıqaýynyń jeńimpazdaryn marapattady
Y. Jeltoqsannyń 15-i. QazAqparat /Názıra Eleýhan/ - Almaty qalasynyń Medeý aýdanynyń ákimi búgin «Jańa jyldyq órnek» atty eń úzdik jańa jyldyq bezendirý baıqaýynyń jeńimpazdaryn marapattady,
dep habarlaıdy QazAqparat.
Baıqaý qarasha aıynyń 25-de, jańa 2010 jyldy qarsy alý aıasynda jarııalanyp, «Eń úzdik jańa jyldyq ǵımarat qasbeti», «Eń úzdik jańa jyldyq dúken vıtrınasy», «Eń úzdik áleýmettik sala nysandary», «Eń úzdik aýmaǵyna qarasty aýlanyń bezendirilýi» atalymdary boıynsha ótti. Baıqaýǵa atalmysh aýdannyń barlyq uıymdary qatysty. Baıqaýdyń maqsaty - Jańa jyldyq merekeniń aldynda daıyndyqty yntalandyrý, eń úzdik kórkem-bezendirilgen nysandardy anyqtaı otyryp, aýdannyń jańa jyldyq bezendirýdiń estetıkalyq ádemiligin qalyptastyrý, aýdan turǵyndaryn, mekemeler men uıymdaryn jańa jyldyq rásimdeýge tartý, Jańa jyldyń aldynda qala turǵyndaryna merekelik kóńil-kúı syılaý bolyp tabylady
«Jańa jyl - kópshiliktiń kútetin, merekelik kóńil-kúı syılaıtyn meıramy. Osyndaı is-sharalar, qalamyzdyń ádemi bezendirilýi, jańa jylǵa saı rásimdelýi, jarqyrap janǵan ǵımarattar men shyrshalar búkil halyqtyń kóńilin kóteredi dep oılaımyn», dedi Medeý aýdanynyń ákimi Mahambet Beıdáli.
Jeńimpazdar baǵaly syılyqtarmen jáne qurmet gramotalarymen marapattalyp, qalalyq baıqaýǵa joldama aldy.
