Almatyda Medeý aýdanynda taǵy sý bolmaıdy
«Almaty Sý» kásiporny málim etkendeı, 8 tamyz kúni saǵat 9:00-den 20:00-ge deıin Medeý aýdanyndaǵy Qazybek bı – Nazarbaev – Qurmanǵazy – Qonaev; Qazybek bı – Nazarbaev – Tóle bı – Qaıyrbekov kósheleriniń kontýrynda sýmen jabdyqtaý qyzmeti ýaqytsha toqtatylady.
«Atalǵan aýmaqtardaǵy tutynýshylardy sýyq sýdan ýaqytsha ajyratý sýmen jabdyqtaý jelileri men nysandaryndaǵy josparly jóndeý jumystaryn oryndaýǵa baılanysty. Ýaqytsha keltirilgen qolaısyzdyqtar úshin keshirim suraımyz», - delingen habarlamada.
Eske salsaq, Almatyda jaýyn-shashynnyń saldarynan Medeý aýdany turǵyndary sýsyz qalǵan edi.
Keıin Medeý aýdanynyń turǵyndaryna kestege sáıkes sý berile bastady.
Odan keıin Medeý aýdanyn sýmen jabdyqtaý tolyǵymen qalpyna keltirilgen edi.
Alaıda, kóp uzamaı Medeý jáne Alataý aýdandary ystyq sýdan ajyratylǵan bolatyn.