Almatyda «Medeý-2010» halyqaralyq marafony ótedi
ALMATY. Shildeniń 10-y. QazAqparat /Erbol Azanbek/ - Búgin Almaty mańyndaǵy taý bókterinde «Birligimiz jarasqan» sharasy aıasynda «Medeý 2010» halyqaralyq marafony ótedi. Medeý aýdany ákimshiliginiń uıymdastyrýymen ótetin sharanyń basty maqsaty - 2011 jyly ótetin Azııa oıyndary men salaýatty ómir saltyn nasıhataý.
Marafon Kishi Almaty ańǵarynan Býtakovka saıy - «Altyn taı» sport keshenine deıin jetip, keri baǵytta «Medeý» sport kesheninde aıaqtalady. Marafonǵa áıelder 18-34, 35-49, 50 jastan joǵary, erler 18-34, 35-49, 50-59, 60-64, 65 jáne odan joǵary jastar arasynda ótedi. Jeńimpazdar baǵaly syılyqtarmen marapattalady. Sondaı-aq «Eń jas qatysýshy», «Eń ádemi qatysýshy», «Ardager-qatysýshy», «Erligi úshin» syndy arnaıy júldeler berilmek. Halyqaralyq marafon bıyl 13-shi ret ótkiziledi. Bıylǵy jylǵy sharaǵa 1998 jyly ótken birinshi marafondy uıymdastyrýshy, nemis kásipkeri Iorg-Ýlrıh Knobloh qatyspaq.
