Almatyda Májilistiń Ekonomıkalyq reforma jáne óńirlik damý komıtetiniń kóshpeli otyrysy ótti

Komıtettiń «Innovatsııalyq tehnologııalar parki» arnaıy ekonomıkalyq aımaǵynda kóshpeli otyrys ótkizýdiń maqsaty - Qazaqstan Respýblıkasy Prezıdenti N.Á.Nazarbaevtyń «Áleýmettik-ekonomıkalyq jańarý - Qazaqstan damýynyń basty baǵyty» atty Qazaqstan halqyna Joldaýynda jarııa etilgen negizgi baǵyttardy iske asyrý úshin joǵary tehnologııalyq ázirlemelerdi jáne básekege qabiletti óndiristerdi qurý, engizý jáne damytý máselelerin talqylaý.

Kóshpeli otyrysqa depýtattar jáne mınıstrlikter, ulttyq kompanııalar jáne aktsıonerlik qoǵamdar ókilderi qatysty. Otyrysta Qazaqstan Respýblıkasynda joǵary tehnologııalyq, básekege qabiletti ázirlemelerdi engizý jáne damytý máseleleri jan-jaqty talqylandy.

Parlamentshiler osy sapar barysynda «Almaty ventılıator zavody» JShS-i, «Satpaev atyndaǵy QazUTÝ Tehnoparki» AQ-y, «KPMS UO RMK-i», «Membrandy tehnologııalar» JShS-i sııaqty óndiris oryndarynda boldy. «Innovatsııalyq tehnologııalar parki» arnaıy ekonomıkalyq aımaǵyna qatysýshy kompanııalar iske asyratyn jobalarmen tanysty.

Ekonomıkalyq reforma jáne óńirlik damý komıtetiniń kóshpeli otyrysybesinshi saılanǵan Parlament Májilisiniń birinshi sessııasynyń ókilettikterin iske asyrý jónindegi negizgi is-sharalar josparyna jáne Palata Bıýrosynyń 2012 jylǵy  18 mamyrdaǵy  sheshimine sáıkes ótkizilip otyr.