Almatyda májilismender 100-ge jýyq kezdesý ótkizedi
Májilis depýtattarynyń óńirlerge jumys saparynyń birinshi aptasy halyqpen kezdesýge arnaldy.
Áleýmettik sala men Almaty qalasy boıynsha partııanyń saılaýaldy baǵdarlamasyna engen nysandar halyq qalaýlylarynyń basymdyǵyna aınaldy.
Májilismen Bekqalı Torǵaev pen Artýr Platonov jedel medıtsınalyq kómektiń mamandandyrylǵan avtokólik kásipornyn aralaý barysynda halyqtyń qajettilikterin tolyq qamtamasyz etý úshin megapolıske qosymsha taǵy 7-9 qosalqy stantsııa qajet ekenin aıtty.
Sonymen qatar, halyq qalaýlylary densaýlyq saqtaý mınıstrliginiń sanattardy alyp tastaý baǵdarlamasyndaǵy aldaǵy ózgerister dárigerlerdiń jalaqysynyń aıtarlyqtaı tómendeýine ákelýi múmkin ekenin tilge tıek etti.
«NarkoStop» qozǵalysynyń belsendilerimen kezdesken eń jas Májilis depýtaty Mádı Ahmetov sıntetıkalyq esirtkige táýeldi jastar sany 2,5 ese óskenin málim etti.
Múgedektigi bar almatylyqtarǵa derbestik pen ekonomıkalyq táýelsizdikke qol jetkizýge kómek kórsetetin «Ten Qogam» áleýmettik qoldaý ortalyǵyna barǵan depýtattar Aıgúl Quspan men Juldyz Súleımenova múmkindigi shekteýli adamdardyń jaǵdaıyn bildi.
«Zańnamada múgedektigi bar adamdar úshin jan-jaqty jaǵdaı jasaý boıynsha is-sharalar kózdelgen, biraq olardyń kúndelikti ómirde aıtarlyqtaı qıyndyqtarǵa tap bolǵany barlyǵyna aıan», - dep atap ótti Aıgúl Quspan.
Sonymen qatar, májilismender óńirdi «Nur Otan» partııasynan Almaty qalasy máslıhatynyń depýtattarymen birlese baqylaýda.
«Bul - bizdiń Almatydan kelgen májilismendermen ekinshi praktıkalyq kezdesý. Máslıhat depýtattary úshin mundaı kezdesýler kommýnıkatsııalardy damytý jáne saıası jumys tájirıbesimen tolyqtyrý jónindegi sheberlik saǵattary ispetti. Óńirdegi birlesken is-sharalardy aıaqtaı otyryp, biz problemalyq máselelerdi odan ári eki jaqty pysyqtaýdy jalǵastyramyz. Bul - bar problemalardy sheshý jónindegi bastamalar men usynystardy jan-jaqty ári sapaly qaraýǵa berilgen múmkindik», - dep atap ótti depýtat Ásııa Aqanova.
