Almatyda Májilis depýtaty Murat Ábenov stýdenttermen kezdesti
ALMATY. Qyrkúıektiń 21-i. QazAqparat /Erbol Turymbetov/ - Keshe Almatydaǵy Qazaq ulttyq agrarlyq ýnıversıtetiniń stýdentteri QR Parlamenti Májilisiniń depýtaty, ekonomıkalyq reforma jáne óńirlik damý komıtetiniń hatshysy Murat Ábenovpen júzdesti.
Kezdesý agrarlyq ýnıversıtettiń aldaǵy 80 jyldyq mereıtoıy qarsańynda uıymdastyrylyp otyr. Onda Májilis depýtaty ýnıversıtettiń belsendi stýdentteri aldynda zamanaýı kóshbasshylyq jóninde dáris oqydy.
«Bizdiń ýnıversıtet respýblıkalyq ınnovatsııalyq jobalardy ár aımaqtarmen birlesip júzege asyryp kele jatqan elimizdegi eń iri joǵary oqý orny. Búginde sol jobalardy júzege asyrýda belsendilik tanytyp otyrǵan 700 ǵylym doktory men kandıdattarynyń, 200 magıstranttyń, 50-deı PhD doktorynyń jáne stýdentterdiń eńbegi erekshe», dedi ýnıversıtet rektory Tilektes Esbolov óz sózinde.
Kezdesý barysynda Májilis depýtaty stýdentterdiń suraqtaryna jaýap berip, olarmen aldaǵy ýaqyttarda tyǵyz qarym-qatynas ornatýǵa ýáde berdi. Sonymen birge, ózderiniń usynýymen bir belsendi stýdentti qoǵamdyq kómekshisi retinde qabyldaıtyndyǵyn málimdedi.
