Almatyda Májilis depýtattyǵyna úmitkerler belgili boldy
ALMATY. QazAqparat - Almatyda Parlament Májilisi depýtattyǵyna úmitkerlerdiń esimderi belgili boldy, dep habarlaıdy QazAqparat tilshisi.
Bul týraly búgin «Nur Otan» partııasy Almaty qalalyq fılıalynyń alańynda ótken qalalyq partııa konferentsııasynyń qorytyndysy boıynsha belgili boldy.
Іs-sharada pikirsaıys týrnıriniń jáne Parlament Májilisine kandıdattar úshin daýys berýdiń qorytyndylary boıynsha partııalyq tizim bekitildi. Tizimge 100 delegat saılaǵan 7 qatysýshy endi.
Olardyń arasynda:
1. VI shaqyrylymdaǵy Parlament Májilisiniń depýtaty - Platonov Artýr
2. Almaly aýdandyq partııa fılıalynyń tóraǵasy, aýdan ákimi – Torǵaev Bekqalı
3. «Almaty qalasyndaǵy Nazarbaev zııatkerlik mektebiniń fızıka matematıka baǵytyndaǵy DBBU basshysy - Súleımenova Juldyz
4. Almaty qalasy Qoǵamdyq keńesiniń hatshysy, «aqparattyq-resýrstyq ortalyq» QQ dırektory - Kóbeeva Altynaı
5. «Red Dragon Almaty» JShS Bas dırektory - Avershın Konstantın Vıktorovıch
6. «Jas Otan» JQ qalalyq fılıalynyń tóraǵasy - Ahmetov Mádı Ablaıuly
7. «AZMK» JShS Bas dırektory - Shardınov Shýhrat Ahmetjanuly
Endi bul tulǵalar Nur-Sultan qalasynda ótetin partııaaralyq saılaýǵa qatysatyn bolady.
Jalpy debatqa 13 adam atsalysty.
Sondaı-aq, konferentsııa barysynda qalalyq máslıhat depýtattyǵyna 78 adamnan turatyn kandıdattardyń partııalyq tizimi bekitildi.
Olardyń qatarynda barlyq áleýmettik jáne kásibı toptardyń ókilderi bar.
Mysaly, №169 mektep-lıtseıiniń dırektory, kópbalaly ana Gúljan Bekenova Qazaqstannyń pedagogtaryn, kóp balaly otbasylary men balalaryn qoldaýdy maqsat tutyp otyr. Taǵy bir qatysýshy – «Daco motors KZ» JShS dırektory Nurymbek Taý pandemııa kezinde halyqtyń áleýmettik osal toptaryna eleýli qoldaý kórsetti. 20 jastaǵy shahmatshy, halyqaralyq sheber jáne áıelder arasyndaǵy grossmeıster Jansaıa Ábdimálik ta praımerızdiń eń jas qatysýshysy bolyp partııalyq tizimge endi.
Sondaı-aq, tizim qatarynda qalany qoldaýǵa jáne damytýǵa baǵyttalǵan túrli áleýmettik jobalardyń qatysýshysy Maksım Fınogenov bar. Onyń saılaýaldy tuǵyrnamasynda basty nazar - otandyq óndiristi damytý jáne jumys oryndaryn ashý. Megapolıstegi zoobaqtyń meńgerýshisi Áıgerim Jaqsylyqtyń maqsaty - veterınarııa salasyndaǵy ózekti máselelerdi sheshý.
Kardıohırýrg Almat Kodasbaev medıtsına salasyndaǵy máselelerdi, medıtsına qyzmetkerleriniń mártebesin kóterýdi maqsat etip otyr. Belgili bloger Meıirjan Tórebaev jáne taǵy basqalar da tizimge endi.
Jalpy kandıdattar qataryna 27 áıel (35%) jáne 35 jasqa deıingi 15 jas (20%) kirdi.
Budan basqa, shaǵyn jáne orta bıznes sýbektileri men ÚEU ókilderiniń sany boıynsha Almatynyń kóshbasshylyǵyn eskere otyryp, tizimdegi kandıdattardyń 50%-ǵa jýyǵy bıznes-qurylymdar men úkimettik emes uıymdardyń ókilderi boldy.
Іs-shara aıasynda qalany damytýdyń 12 draıverinen turatyn jáne Elbasynyń «Almaty 2050» damý strategııasyna negizdelgen «Nur Otan» saılaýaldy baǵdarlamasy bekitildi.
Partııalyq konferentsııa barlyq sanıtarlyq-epıdemıologııalyq talaptardy saqtaı otyryp, aýdan delegattary úshin ZOOM arqyly onlaın translıatsııalaý arqyly ótkizilgenin atap ótken jón.
Konferentsııa «Nur Otan» partııasynyń Almaty qalalyq fılıalymen praımerızdi ótkizýdiń sońǵy kezeńin aıaqtady.
Esterińizge sala keteıik, buǵan deıin Almatydaǵy praımerızge 200-ge jýyq kandıdat qatysqan bolatyn, onyń ishinde 54 qatysýshy – jańa úmitker. Bul - jaqsy nátıje, sebebi praımerız bastapqyda «Nur Otan» kadrlaryn jańartýdy kózdegen bolatyn.
