Almatyda maınıng fermasy arqyly paıda tapqan memlekettik kásiporyn dırektory ustaldy
Almaty qalasy boıynsha sybaılas jemqorlyqqa qarsy is-qımyl qyzmetiniń málimetinshe, Aýyl sharýashylyǵy mınıstrliginiń «Aýyl sharýashylyǵy aerofotogeodezııalyq izdenister memlekettik ınstıtýty» ShJQ RMK dırektory M-ge qatysty qylmystyq isti tergelýde. Ol atalǵan kásiporynda maınıng fermasyn zańsyz ornatqany anyqtaldy.
«Tergeý barysynda dırektor paıda tabý maqsatynda memlekettik mekemeniń ákimshilik ǵımaratynyń aýmaǵynda zańsyz kóleńkeli bıznesti uıymdastyrǵan. Ol úı-jaılarda krıptovalıýtany óndirýge arnalǵan tsıfrlyq maınıngtik fermany ornatqan. Bul rette maınıngtik operatsııalar úshin elektr energııasyn tutyný memlekettiń bıýdjet qarajaty esebinen júzege asyryldy. Qazirgi ýaqytta sotqa deıingi tergeý jalǵasýda», - delinedi vedomstvonyń habarlamasynda.
Eske salaıyq, Prezıdent Qasym-Jomart Toqaev Qazaqstandaǵy zańsyz maınıng máselesin túbegeıli sheshýdi tapsyrǵan bolatyn.
Sondaı-aq, buǵan deıin 51 maınıng fermanyń zańsyz qyzmetine tosqaýyl qoıylyp, 55 ferma qyzmetin ózdiginen toqtatqanyn habarlaǵan bolatynbyz.
