Almatyda Maılyqoja shyǵarmalar jınaǵy jaryq kórdi
NUR-SULTAN. QazAqparat - Almatyda qazaqtyń sýyryp salma aqyny Maılyqoja Sultanqojaulynyń shyǵarmalar jınaǵy tanystyryldy, dep habarlaıdy QazAqparat M. Áýezov atyndaǵy Ádebıet jáne óner ınstıtýtyna silteme jasap.
«Jańa jınaq HІH ǵasyr ádebıetiniń alyby, Ońtústik Qazaqstan, Syrdyń orta aǵysy men Qarataýdyń kúngeıindegi aqyndyq mektebiniń ozyq úlgisin jasaǵan Maılyqoja Sultanqojaulynyń 180 jyldyǵana arnalǵan. Onda aqynnyń «Ǵylym ordasy» RMK Ortalyq ǵylymı kitaphanasynyń, M.O. Áýezov atyndaǵy Ádebıet jáne óner ınstıtýtynyń, Túrkistan Q.A. ıAsaýı atyndaǵy HQTÝ Túrkologııa ǴZI qorlarynda saqtalǵan qoljazba muralary, Myrzashól, Saryaǵash, Otyrar, Ordabasy aýdandarynan tabylǵan qoljazbalary men nusqalary ár kezeńde jaryq kórgen kitaptary negizinde mátindik saraptaýdan ótkizilip usynylǵan», - delingen ınstıtýt habarlamasynda.
Atalǵan jınaq belgili qoljazba jınaýshy, shejiretanýshy ǵalym Seıitomar Sattarovtyń usynysymen jyldar jınaǵan qoljazbalary negizinde qurastyrylǵan. Seıitomar Sattaruly jınaǵan Maılyqoja aqynǵa qatysty qoljazba kóshirmeleri Ortalyq ǵylymı kitaphana qoryna ótkizildi.
«Sonymen birge Maılyqoja jetkizgen halyq muralary, sonyń ishinde Maıly aıtqan jumbaqtar alǵash ret jaryq kórdi. Taǵy bir úlken jańalyq - jańa jınaqqa Ortalyq ǵylymı kitaphananyń 337-býmasynda arab árpinde jazylyp, saqtalǵan Ábýbákir Dıvaev jazyp, jınaǵan «Jas kezinde shyǵarǵan óleńi», «Jıyrma bes», «Naýryzbaı bıdiń áıeli týraly», «At jaqsy arǵymaqtan shabys bolsa» óleńderi enigizildi. Odan bólek, Tursynáli Aınabekov, Asan molda Ásilbekuly qoljazbalarynan da kóp shyǵarmalar tike aýdarylyp berildi», - dep habarlady ınstıtýt.
Tusaýkeser rásimine M.O. Áýezov atyndaǵy Ádebıet jáne óner ınstıtýty «Qoljazba jáne tekstologııa» ǵylymı-ınnovatsııa bóliminiń meńgerýshisi Toqtar Álibekov, shejireshi, kitap avtory Seıitomar Sattarov, «Ǵylym ordasy» RMK Bas dırektory Baýyrjan Tóltaev, jazýshy Smaǵul Elýbaı, «Aqıqat» jýrnalynyń bas redaktory Amanhan Álimuly jáne ózge de zııaly qaýym ókilderi qatysty.
