Almatyda maıly jáne dándi daqyldardy ósirý tehnologııalary talqylanady
ALMATY. 12 maýsym. QazAqparat - Almatyda 14-15 maýsym kúnderi «Maıly, dándi-burshaqty daqyldardy ósirýdiń keleshektegi tehnologııalary jáne topyraq qunarlylyǵyn retteý» taqyrybynda halyqaralyq ǵylymı-tájirıbelik konferentsııa ótedi.
Qazaq ulttyq agrarlyq ýnıversıtetinde bolatyn bul shara kórnekti ǵalym, ustaz jáne joǵary ǵylymı mekteptiń negizin salýshylardyń biri Rahymjan Eleshevtiń 75 jyldyq mereıtoıyna arnalyp otyr. Oǵan Reseı, Ýkraına, Belorýssııa, Qyrǵyzstan, Ázirbaıjan ǵalymdary qatysady dep josparlanýda.
Konferentsııada «Maıly jáne dándi-burshaqty daqyldardy ósirý tehnologııasy jáne selektsııasy men tuqym sharýashylyǵy», «Topyraq qunarlylyǵy jáne ekologııa» degen taqyrypta sektsııalyq jınalystar men online júıesi boıynsha májilis ótedi.
