Almatyda maıdanger jazýshy L. Gırshtiń Stalıngrad shaıqasynyń 70 jyldyǵyna arnalǵan «Ognennyı Stalıngrad» atty kitabynyń tusaýkeseri ótedi

ALMATY. 9 aqpan. QazAqparat - 11 aqpanda Almaty qalasyndaǵy Dostyq úıinde Qazaqstan halqy Assambleıasynyń múshesi, jazýshy, Uly Otan soǵysynyń ardageri Leonıd ıÝzefovıch Gırshtiń Stalıngrad shaıqasynyń 70 jyldyǵyna arnalǵan «Ognennyı Stalıngrad» atty kitabynyń tanystyrylymy bolady.

Leonıd Gırsh - Stalıngrad shaıqasyna qatysýshy, bes ordenniń jáne 35 medaldiń ıegeri, soǵys kezeńi týraly kóptegen eńbekterdiń avtory. Týyndy Stalıngrad shaıqasyna qatysqan erlerdiń estelikteriniń, stalıngradtyq jaýyngerler týraly qujattar men ocherkterdiń, qazaqstandyq jáne reseılik aqyndardyń óleńderiniń, maıdan hattarynyń negizinde jazylǵan.

Іs-sharaǵa Uly Otan soǵysynyń ardagerleri, Assambleıa Keńesiniń músheleri, etnomádenı birlestikter basshylary, jastar ókilderi jáne RF-nyń Almaty qalasyndaǵy dıplomatııalyq ókildiginiń músheleri shaqyrylyp otyr.