Almatyda Máýlit merekesi toılandy
ALMATY. QazAqparat - Almatydaǵy Balýan Sholaq atyndaǵy sport kesheninde Qazaqstan musylmandary dinı basqarmasynyń uıymdastyrýymen Máýlit merekesi ótti, dep habarlaıdy QMDB-nyń baspasóz qyzmeti.
Rýhanı kesh qasıetti Quran oqýmen bastaldy. Alǵashqy sózdi Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyuly alyp, barsha musylman jurtshylyǵyn Máýlit merekesimen quttyqtaı kele Máýlitti atap ótýdiń mańyzdylyǵyn tolǵanysqa toly oımen jetkizdi.
Bas múftı rýhanı keshte: «Barsha musylman juraǵaty Alla Elshisiniń (Allanyń oǵan sálemi men ıgiligi bolsyn) týylǵan kúnine oraı ər jyldyń rabıǵýl-aýýalı aıynyń 12-juldyzy kúni məýlit merekesin toılaıdy. Bul mereke Haq Elshisine degen erekshe súıispenshilikten týyndaǵany belgili. Uıymdastyryp otyrǵan rýhanı keshimizdiń basty maqsaty Alla Elshisiniń (Allanyń oǵan sálemi men ıgiligi bolsyn) ónegeli, ǵıbratty ómirin jaqynnan tanyp, urpaǵymyzǵa úlgi ete bilý»,-dedi.
Rýhanı keshte elge tanymal ánshiler ǵıbratty jyr-termeler oryndap, tárbıelik máni mol sahnalyq qoıylymdar kórsetildi. Ardaqty paıǵambarymyz Muhammedtiń (Allanyń oǵan ıgiligi men sálemi bolsyn) ónegeli ómiri jaıly ýaǵyz aıtylyp, beınerolıkter halyq nazaryna usynyldy. Keshtiń mańyzy men mánin arttyratyn shara - paıǵambarymyz Muhammedke (Allanyń oǵan ıgiligi men sálemi bolsyn) salaýattar oqylyp, sálemder aıtyldy.
Kesh sońynda muqtaj jandarǵa bıletten túsken qarjy esebinen qaıyrymdylyq kómek kórsetiledi.
