Almatyda Máýlit merekesi ótedi
ASTANA. 30 qańtar. QazAqparat - Allanyń sońǵy elshisi, súıikti Paıǵambarymyz Muhammedtiń (s.ǵ.s.) týylǵan aıyna oraı Qazaqstan musylmandary dinı basqarmasy ústimizdegi jyldyń 2 aqpanynda (senbi) Máýlit saltanatyn atap ótedi.
Bul týraly Qazaqstan musylmandary dinı basqarmasynyń baspasóz qyzmeti habarlady.
Jyl saıyn uıymdastyrylatyn ıgi shara bıyl Almatydaǵy Respýblıka saraıynda ótpek. Rýhanı keshte QMDB tóraǵasy, Bas múftı, sheıh Ábsattar qajy Derbisáli jáne ult zııalylary, dintanýshy-ǵalymdar máýlit merekesimen quttyqtaıdy hám ýaǵyz aıtady. Qarılar toby máýlit oqysa, óner juldyzdary dinı ánder oryndaıdy. Belgili aqyndar ıman, ıba jaıly aıtysyp, saltanatty sharanyń kórkin qyzdyrmaq.
