Almatyda «Mátindik jáne beıneleý jumystaryna quqyqtardy ujymdyq basqarý» taqyrybynda halyqaralyq semınar ótedi
ASTANA. 11 qyrkúıek. QazAqparat - 2012 jylǵy 13-14 qyrkúıekte Almaty qalasynda Qazaqstan Respýblıkasy Ádilet mınıstrligi
Zııatkerlik menshik quqyǵy komıteti Dúnıejúzilik zııatkerlik menshik uıymymen (DZMU) jáne Reprografııa quqyqtary jónindegi halyqaralyq federatsııasymen (IFRRO) birlesip, «Mátindik jáne beıneleý jumystaryna quqyqtardy ujymdyq basqarý» taqyrybynda halyqaralyq semınar ótkizedi.
DZMU (World Intellectual Property Organization, WIPO ) - 1967 jyly qurylǵan halyqaralyq uıym, zııatkerlik menshik salasyndaǵy negizgi, eń aldymen Ádebı jáne kórkem shyǵarmalardy qorǵaý týraly Bern konventsııasy men Ónerkásip menshigin qorǵaý týraly Parıj konventsııasy, halyqaralyq konventsııalardy ákimshilendirýmen aınalysady. 1974 jyldan bastap Birikken ulttar uıymynyń mamandyrylǵan memkemesiniń shyǵarmashylyq pen zııatkerlik menshik máseleleri jónindegi qyzmetterin atqarady.
Búgingi tańda 185 memleket nemese álemniń 90 % eli DZMU-nyń músheligine kiredi. DZMU-nyń hatshylyǵy nemese Halyqaralyq bıýro Jenevada (Shveıtsarııa ) ornalasqan jáne 90-nan astam eldi ókildik etetin shtattyq qyzmetshileri bar. 2008 jylǵy 1 qazannan bastap uıymnyń Bas dırektory Frensıs Garrı bolyp tabylady.
IFFRO (International Federation of Reproduction Rights Organisations) - táýelsiz uıym, Bern konventsııasy men Avtorlyq quqyq jónindegi jalpyǵa birdeı konventsııasynda bekitilgen, halyqaralyq avtorlyq quqyqtyń negiz qalaýshy qaǵıdalarynyń negizinde qurylǵan. Onyń maqsaty halyqaralyq deńgeıde qaıta shyǵarý quqyǵyn ujymdyq basqarýǵa atsalysý bolyp tabylady. Uıym 1984 jyly qyzmet ete bastady.
IFFRO búkil álemdegi týyndylardy reprografııalyq qaıta shyǵarý quqyǵyn basqarý jónindegi uıymdardy biriktirip, olarǵa ókildik etedi. IFFRO 114 múshesiniń arasynda ulttyq uıymdar, sondaı-aq avtorlar men baspagerlerdiń ulttyq jáne halyqaralyq qaýymdastyqtar bar.
Atalǵan is-sharanyń sheńberinde kelesi máseleler qarastyrylady: avtorlyq quqyq pen sabaqtas quqyqtar boıynsha DZMU-nyń sońǵy jumystary; baspa salasynda quqyqtardy basqarý; Qazaqstan Respýblıkasy, Grýzııa zańnamasynda qaıta shyǵarýǵa quqyqtar; reprografııa úshin ujymdyq basqarýdyń modelderi; májbúrsiz lıtsenzııa; quqyqtyq lıtsenzııalar - alymdar; bilim berý salasynda reprografııany basqarý; reprografııadaǵy quqyq ıeleri; Qazaqstanda, Grýzııada qaıta shyǵarý quqyǵy salasynda ujymdyq basqarý; tarıfter men aıyppuldar: jalpy erejeler men ulttyq tájirıbe; bólisý: jalpy erejeler men ulttyq tájirıbe; shetel quqyq ıeleri; DZMU-nyń IFRRO-men yntymaqtastyq pen damý baǵdarlamasy.
Semırnarǵa shetel qonaqtary, DZMU-nyń Eýropa men Azııanyń keıbir elderimen yntymaqtastyq jónindegi basqarý jobalarynyń jetekshisi Sáýle Tileýlesova, IFRRO ókilderi Ingrıd de Rebakýa, Samanta Elızabet Holman jáne Grýzııa patenttik vedomstvosynyń ókilderi qatysady.
