Almatyda matematıkadan XXII Azııalyq-Tynyq muhıttyq jáne IX «Jibek joly» olımpıadasy ótedi
ALMATY. Naýryzdyń 4-i. QazAqparat /Ádilet Musahaev/ - Almatyda matematıkadan XXII Azııalyq-Tynyq muhıttyq jáne IX «Jibek joly» olımpıadasy ótedi, Ol naýryz aıynyń 8-10-y aralyǵynda, QazUÝ men «Daryn» respýblıkalyq ǵylymı-tájirıbelik ortalyǵynyń uıymdastyrýymen ótedi,
dep habarlaıdy QazAqparat.
XXII Azııalyq-Tynyq muhıttyq olımpıadaǵa 38 eldiń ókilderi qatysady, onyń ishinde Argentına, Avstralııa, AQSh, Bangladesh, Kambodja, Kanada, sııaqty elder bar.
Al, IX «Jibek joly» olımpıadasyna Uly jibek joly boıynda ornalasaqan Ózbekstan, Qyrǵyzstan, Túrkııa, Túrikmenstan, Ázirbaıjan jáne Qytaı elderiniń ókilderi qatyspaq.
Olımpıadanyń tártibi boıynsha qatysýshy elderdiń jergilikti uıymdastyrý komıtetteri basqarýshy komıtettiń esep, shartyna sáıkes tapsyrmany aldyn-ala alyp, óz elderinde bir ýaqytta olımpıadalar ótkizedi. Olımpıadalardyń dıstantsııalyq tártippen ótkizilýi kóptegen mektep oqýshylarynyń atalmysh halyqaralyq jarysqa qatysýyna múmkindik berýde.
Bıyl Qazaqstannyń barlyq oblystarynan 100-deı joǵary synyp oqýshylary qatysady dep kútilýde.
