Almatyda matematıka páni muǵalimderiniń qalalyq forýmy ótedi
ALMATY. 14 sáýir. QazAqparat /Erlik Erjanuly/ - Almatyda 15 sáýirde matematıka páni muǵalimderiniń qalalyq forýmy bolady.
Buǵan deıin bilim berý mekemelerinde mektepishilik, aýdandyq konferentsııalarda oǵan qatysatyn kandıdattar usynylǵan bolatyn. Bul forýmda «Almaty qalasy mektepterindegi matematıkalyq bilimniń damýy: jaǵdaıy men keleshegi» degen taqyryppen matematıkalyq bilim berý sapasyn arttyrýdyń ózekti máseleleri talqylanady. Olardyń arasynda jekelegen bilim berý uıymdarynyń jáne aýdandyq bilim bóliminiń basshylary, ǵalymdar men bilim berý isiniń úzdikteri bar. Forým sońynda 10-11 mamyr kúnderi Astanada ótetin matematıka páni muǵalimderiniń І Sezine Almaty qalasynan qatysatyn delegattar saılanady.
