Almatyda matematıka, fızıka jáne aqparattaný boıynsha H halyqaralyq Jáýtikov olımpıadasy bastaldy
ALMATY. 13 qańtar. QazAqparat - Olımpıadaǵa álemniń 17 elinen 57 komanda, 390 bilimpaz jetkinshek qatysýda. Bul týraly búgin matematıka, fızıka jáne aqparattaný boıynsha onynshy mereıtoılyq halyqaralyq Jáýtikov olımpıadasynyń ashylýynda QR bilim jáne ǵylym vıtse-mınıstri Esenǵazy Imanalıev málim etti.
«Qazaqstan bul olımpıadany ótkizýmen qatar, jastardy básekelestik ortada shyn máninde laıyqty bolýǵa shaqyrady. Osy olımpıadanyń jeńiımpazdary elimizdegi kóshbasshy joǵary oqý orny - «Nazarbaev Ýnıversıtetine» túsý úshin granttarǵa ıe bolady», - dep atap kórsetti E.Imanalıev.
Onyń aıtýynsha, Almaty oǵan 61 qatysýshy usynyp otyr. 18 qańtarǵa deıin ótetin halyqaralyq olımpıadany QR bilim jáne ǵylym mınıstrligi uıymdastyryp otyr.
