Almatyda massaj salony atyn jamylǵan jezóksheler úıinen 23 jeńil júristi qyz ustaldy
ALMATY. QazAqparat - Almatylyq polıtseıler jedel is-shara barysynda jezóksheler úıin anyqtady, dep habarlaıdy QazAqparat.
Qalalyq polıtsııanyń málimetinshe , jezóksheler úıi qalanyń Medeý aýdanyndaǵy záýlim úıde ornalasqan.
Onyń jumysshylary turaqty, senimdi klıentterge ǵana qyzmet kórsetken.
Jalpy, bul bıznesti alǵa jyljytatyn negizgi alańdar - habarlandyrýlar, tanysý saıttary jáne tanymal messendjerler.
Mysaly, bul jeńil júristi áıelder óz isin saýyqtyrý massajy dep ataǵan.
«Jalpy, keshe túnde 23 jeńil júristi áıel ustalyp, ishki ister organdaryna jetkizildi, onyń úsheýi Ózbekstannan kelgen. Qalǵany - bizdiń otandastarymyz, negizinen Túrkistan jáne Jambyl oblystarynyń turǵyndary. Ákelingen áıelderdiń zańsyz áreketterge qatysy bar-joǵy tekserildi», - deıdi Almaty qalalyq PD krımınaldyq polıtsııa basqarmasynyń bastyǵy, polıtsııa polkovnıgi Erkin Іńkárov.
Polıtsııa sonymen qatar jezókshelikpen aınalysýǵa úı-jaıyn bergen ǵımarat ıesin, sondaı-aq, jezóksheler úıin uıymdastyrýshyny da jaýapkershilikke tartqan.
