Almatyda massaj salony atyn jamylǵan jezóksheler úıi anyqtaldy
ALMATY. QazAqparat - Almatylyq polıtseıler jedel is-shara barysynda jezóksheler úıin anyqtady, dep habarlaıdy QazAqparat.
Qalalyq polıtsııanyń málimetinshe, jezóksheler úıi Medeý aýdanynyń elıtalyq sektorynda ornalasqan. Tek turaqty, senimdi klıentterge ǵana qyzmet kórsetken.
«Ony Aqmola oblysynan kelgen 31 jastaǵy V. esimdi áıel basqardy. Onyń Qaraǵandy, Almaty jáne Soltústik Qazaqstan oblystarynan kelgenderdi jumysqa tartqany anyqtaldy.Sonymen qatar, Ózbekstan men Reseı Federatsııasynyń azamattary da bar. Bul elıtaly úıge kirý ońaıǵa soqpady. Munda tek turaqty, senimdi klıentterdi ǵana ishke kirgizedi, tipti kólikteriniń nómirlerin de eshkim tanymas úshin plenkamen jaýyp tastaǵan. Úsh qabatty ǵımaratta saýna men spa-salon da bar», – dedi Almaty qalalyq Polıtsııa deparatamenti bastyǵynyń orynbasary Berik Ábilbekov.
Buǵan deıin salon ıesi osyndaı áreketteri úshin qylmystyq jaýapkershilikke tartylǵan.
«Bul joly onyń áreketteri QR ÁQbK-niń 450-babyna sáıkes saralaýǵa jatady. Sheshim qabyldaý úshin óndiristik materıaldar sotqa jiberiledi»,- dedi polıtsııa ókili.
